فرمان الہی
نماز کے اوقات
چمن(نامہ نگار) چمن کے ٹرنچ روڈ پر موٹرسائیکل بم دھماکے میں ایک شخص جاں بحق جبکہ 2 سیکورٹی اہلکاروں سمیت 15 افراد زخمی ہوئے‘ دھماکہ سیکورٹی فورسز کی گاڑی کے گزرتے وقت ہوا ‘پولیس کے مطابق چمن کے ٹرنچ روڈ پر نماز مغرب کے وقت دھماکہ اس وقت ہوا جب سیکورٹی فورسز کی گاڑی مال روڈ سے ٹرنچ روڈ کی جانب گزرنے لگی‘ دھماکہ اتنا شدید تھا کہ اس کی آواز دور دور تک سنی گئی‘ دھماکے سے ہر طرف بھگدڑ مچ گئی ‘دھماکے میں ایک 22 سالہ نوجوان جاں بحق جبکہ 2 ایف سی اہلکاروں سمیت 15 افراد زخمی ہوئے‘ دھماکے کے فوری بعد پولیس لیویز اور ایف سی اہلکاروں نے جائے وقوعہ پہنچ کر علاقے کو سیل کردیا اور زخمیوں کو ڈی ایچ کیو اسپتال منتقل کیا گیا ‘دھماکے سے سیکورٹی فورسز کی گاڑی سمیت متعدد گاڑیوں موٹرسائیکلوں اور دکانوں کو نقصان پہنچا ‘پولیس کے مطابق 8سے 10کلو دھماکہ خیز مواد موٹرسائیکل میں نصب تھا‘ دھماکہ ریموٹ کنٹرول کے ذریعے کیا گیا ‘دھماکے کے بعد ٹرنچ روڈ اور مال روڈ چوک آمدورفت کےلئے بند کر دیا گیا اور بم ڈسپوزل اسکواڈ طلب کر کے شواہد اکھٹے کیے گئے جبکہ فائربرگیڈ نے موٹرسائیکلوں میں لگی اگ پر قابو پالیا ‘زخمیوں میں تین کی حالت تشویشناک ہے جنہیں علاج کےلئے کوئٹہ منتقل کردیاگیاہے‘زخمیوں میں تین بچے بھی شامل ہیں ۔
