فرمان الہی
نماز کے اوقات
ملتان، کوئٹہ ،اسلام آباد ،ڈیرہ مرادجمالی (نمائندگان، ایجنسیاں ) ملک بھر میں بارشوں کا سلسلہ جاری ہے میراں پور کے قریب رود کوہی کا بند ٹو ٹنے سے سیلابی پانی کچھی کینال میں داخل ہو گیا ،جام پور میں 1700افراد کو محفوظ مقامات پر منتقل کیا گیا کوئٹہ میں ریلوے ٹریک بہہ گیا ،ٹرینوں کی آمد ورفت معطل ہو گئی،بارشوں اور سیلاب سے ہلاکتیں 49ہوگئیں‘کراچی میں ماہی گیروں کی 3 لانچیں اور 38 مچھیرے لاپتا‘ سیلابی پانی کچھی کینال میں داخل‘ تفصیلات کے مطابق نصیر آباد ڈویژن میں سیلابی ریلا نوتال لانڈھی قبولہ واہ باباکوٹ ربی ایریاز میں داخل ہوگیا ہے جہاں ہزاروں کچھے مکانات منہدم ہونے کیساتھ ساتھ ہزاروں خاندان بے گھر ہوکر بے یارومددگار مین قومی شاہراہ کے دونوں اطراف پناہ لے لی ہے جبکہ ربی ایریاز میں سیلابی پانی میں 350 سے بھیڑ بکر یا ں ڈوب کرہلاک ہوگئیں جبکہ کئی خاندان نقل ومکانی کرکے محفوظ مقامات پر منتقل ہوچکے ہیں ۔
