• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملتان پولیس کی کارروائی، منشیات کے9 ملزم گرفتار،توڑپھوڑپرمقدمہ

میرا شہر
ملتان
01 مئی ، 2019
ملتان( سٹاف رپورٹر) ملتان پولیس نے منشیات فروشوں کے خلاف کارروائی کرتے ہوئے 9 ملزمان کو گرفتار کر لیا جن میں وسیم ، اکرم س، الطاف، بشیر احمد، سمران ، جعفر ،طارق شامل ہیں۔پولیس نے مختلف مقامات پر ناکہ بندی کرتے ہوئے موٹرسائیکل پر جعلی نمبر پلیٹیں لگا کر گھومنے والے دو ملزمان احسان،فیاض کو گرفتار کر لیا ۔ پولیس نے لڑائی جھگڑے کے مقدمہ میں ملوث ملزم خلیل سے دوران تفتیش پسٹل برآمد کر لیا ۔ پولیس تھانہ بی زیڈ نے خود کو میٹر انسپکٹر ظاہر کر کے واپڈا صارفین کو ڈرا دھمکا کر رقم لوٹنے والے نوسر باز وسیم کو گرفتار کر لیا ۔جعلی شربت تیار کرکے فروخت کرنے پرخاری ، سنی، شان ، خلیل سمیت 5افراد کیخلاف مقدمہ درج کرلیا گیا ۔خاتون کو اغوا کرنے پر 5افرادذیشان ، ریاض، عرفان، ظفرو ایک نامعلوم کیخلاف مقدمہ درج کرلیا گیا ۔دکان میں توڑ پھوڑ کرنے اور گھرمیں گھس کرفائرنگ کرکے بچے کو زخمی کرنے پر 3افرادشفیق ، صغیر اورایک نامعلوم کیخلاف مقدمہ درج کرلیا گیا۔پولیس نے ناکہ بندی کے دوران موٹرسائیکل پرجعلی نمبر پلیٹ لگانے والے موٹر سائیکل سوار شہباز کو گرفتار کر کے اس کی موٹرسائیکل قبضے میں لے لی ۔پولیس نے سنگین وارداتوں میں میں ملوث ملزمان کو گرفتار کر کے دوران ریمانڈ ان سے واردات میں استعمال ہونے والا اسلحہ برامد کر لیا ہے پولیس تھانہ ممتاز آباد نے ملزم نادر علی سے رائفل معہ 5 گولیاں، ملزم عمر فاروق سے پسٹل معہ 4 گولیاں پولیس تھانہ الپہ نے ملزم خلیل سے پسٹل ،پولیس تھانہ دولت گیٹ نے ملزم محمد نعیم سے پسٹل معہ 04 گولیاں، پولیس تھانہ قادرپور راں نے ملزم اسلم سے پسٹل معہ 5 گولیاں، پولیس تھانہ سٹی جلالپور نے ملزم اسماعیل سے کلاشنکوف معہ 2 گولیاں، پولیس تھانہ صدر شجاعباد نے ملزم خضر حیات سے ریوالور معہ 2 گولیاں، ملزم رمضان سے رائفل معہ 6 گولیاں برآمد کر کے مقدمات درج کر لئے ۔ پی او سٹاف نے 4افراد کو 15 برس قبل قتل کر کے فرار ہو نے والے اشتہار یخادم حسین سرگانہ کو گرفتار کر لیا ۔پولیس تھانہ نیو ملتان نے بوعہ پور کے علاقے سے قتل کے ملزم عارف کو گرفتار کر کےآلہ قتل چھری برآمد کر لی ۔بدھلہ سنت پولیس نےاے کیٹیگری کےاشتہاری محمد جاوید عرف جیدا گجر کو گرفتار کرلیا   ۔ایس ایچ او تھانہ سٹی جلالپور کی غیرقانونی اسلحہ رکھنے والے ملزم محمد اسماعیل کو گرفتار کرکے ملزم کے قبضہ سے کلاشنکوف مع 4عدد روند برآمدکرلئے۔پولیس تھانہ شاہ رکن عالم نے دفتر پر حملہ کر کے فاءرنگ کرنے کے الزام میں 6 افراد ہارون، دانیال، عثمان، قاسم، حمزہ، اور بلال کے خلاف مقدمہ درج کر لیا۔پولیس نے قمار بازی اور اکڑہ جوا کی پرچیاں فروخت کرنے والوں کے خلاف کارروائی کرتے ہوءے4 ملزمان اسحاق،محسن،وقاص،حسن کو گرفتار کر لی ۔پولیس تھانہ نیوملتان نے لیڈی کانسٹبلوں کی مدد سے غلام فاطمہ اور شہناز کو بھیک مانگنے پر مقدمات درج کر کے گرفتار کر لیا۔
تازہ ترین