آپ آف لائن ہیں
ہفتہ14؍شوال المکرم 1441ھ6؍جون 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

عامر خان کی چینی فلموں کے سپراسٹار کے ساتھ سیلفی

بالی ووڈ سپراسٹار اور مسٹر پرفیکشنسٹ عامر خان ان دنوں چین میں ہیں جہاں انکی مختلف اہم شخصیات سے ملاقاتوں کا سلسلہ جاری ہے اسی حوالے سے جمعرات کو انکی چینی فلموں کے سپر اسٹار ڈینگ چائوسے ملاقات ہوئی اور دونوں نے اپنے سر سے سر ملاکر اور کاندھوں پر ہاتھ کر ایک سلیفی بنوائی۔یاد رہے کہ ڈینگ چائو چین کی ہٹ فلموں میں مرکزی کردار ادا کرچکے ہیں۔

واضح رہے کہ ان دنوں چین کے دارالحکومت بیجنگ میں پہلی ایشین سولائزیشن ڈائیلاگ کا انعقاد کیا گیا ہے، اور چینی صدر ژی جن پنگ اسکی میزبانی کررہے ہیں۔

اس ڈائیلاگ میں پاکستان سے بھی کئی افراد مدعوں ہیں، جن میں سینیٹر مشاہد حسین سید بھی ہیں جنکی گزشتہ اداکار عامر خان سے بیجنگ میں ملاقات بھی ہوئی تھی۔

یاد رہے کہ عامر خان چین میں انتہائی مقبول ہیں اور وہ ان گنے چنے غیرملکی اداکاروں میں شامل ہیں جنھیں چینی عوام بہت پسند کرتے ہیں اور دنگل، تارے زمین پر اور سیکرٹ سپر اسٹار سمیت ان کی کئی فلمیں چینی باکس آفس پر ہٹ ہوچکی ہیں۔ 

انٹرٹینمنٹ سے مزید