کراچی.......سابق صدر پرویز مشرف کراچی سے دبئی روانہ ہوگئے۔غیرملکی پروازای کے611میں پرویز مشرف کو کیبن نمبر ون دیا گیا ہے۔پرواز کچھ تاخیر سے 4بج کر 10منٹ پر روانہ ہوئی۔
سیکیورٹی کاقافلہ میڈیا دکھاوا ثابت ہوا، سابق صدر خاموشی سے ایئرپورٹ پہنچے۔نمائندہ جیو نیوز افضل ندیم کے مطابق جو خود بھی اسی فلائٹ میں سوار ہیں ان کا کہنا ہے کہ ان کی جنرل (ریٹائرڈ ) پرویز مشرف سے فلائٹ میں ملاقات ہوئی ہے، سابق صدر کےدوست طارق محمودان کےہمراہ ہیں جنہیں کیبن نمبر 2دیا گیاہے، طارق محمود نے صحافیوں کو پرویز مشرف سے بات چیت کرنے اور تصویر بنانے سے معذرت کرتے ہوئے منع کردیا۔
اس سے قبل پرویز مشرف اپنے مخصوص انداز میں بروقت ایئرپورٹ پہنچے۔پرویزمشرف کی صحت بظاہربہترلگ رہی ہے، انہوں نے سبز رنگ کی ٹی شرٹ اور ڈریس پینٹ پہنی ہوئی تھی۔
اس موقع پر پرویزمشرف کی میڈیا سے مختصر گفتگو ہوئی جس میں انہوں نے کہا کہ دیکھتےہیں کہ کیا ہوتا ہے، ابھی تو جا رہے ہیں۔
فرمان الہی
نماز کے اوقات
