’’اس حکومت کی کوئی لائف نہیں‘‘

تازہ ترین

قومی خبریں

30 مئی ، 2019

سابق صدر اور پاکستان پیپلز پارٹی کے شریک چیئرمین آصف علی زرداری کا کہنا ہے کہ اس حکومت کی کوئی لائف نہیں۔

آصف علی زرداری اپنے اور اپنی ہمشیرہ فریال تالپور کے خلاف جعلی اکاؤنٹس کیس کی سماعت کے سلسلے میں اپنی صاحبزادی آصفہ بھٹو زرداری کے ہمراہ احتساب عدالت پہنچے تھے۔

احتساب عدالت کے باہر میڈیا سے گفتگو کرتے ہوئے آصف زرداری کا کہنا تھا کہ میں اب بھی اس بات پر قائم ہوں کہ احتساب اور معیشت ساتھ نہیں چل سکتے۔

ایک صحافی کے سوال پر کہ آپ گرفتاری سے ڈرتے تو نہیں؟

سابق صدر نے جواب دیا کہ میں نے پہلے بھی تیرہ سال جیل کاٹی ہے۔

بعد ازاں احتساب عدالت نے سابق صدر آصف علی زرداری اور فریال تالپور کے خلاف جعلی اکاؤنٹس کیس کی سماعت ملزمان کی حاضری لگا کر 14 جون تک کیلئے ملتوی کر دی ۔

احتساب عدالت نمبر 2 کے جج ارشد ملک عمرے کی ادائیگی کے باعث رخصت پر ہیں جس کی وجہ سے ڈیوٹی جج محمد بشیر نے ملزمان کی حاضری لگا کر سماعت ملتوی کی۔

گزشتہ روز اسلام آباد ہائی کورٹ میں پیشی کے موقع پر میڈیا سے گفتگو کرتے ہوئے آصف علی زرداری کا کہنا تھا کہ چیئرمین نیب کےخلاف اسکینڈل میں پیپلزپارٹی کا کوئی ہاتھ نہیں، چیئرمین نیب کا متبادل جس نے ڈھونڈنا ہے وہ ڈھونڈے۔

تازہ ترین