فرمان الہی
نماز کے اوقات
آئی جی موٹروے پولیس اے ڈی خواجہ نے جامشورو تا لاڑکانہ موٹروے پولیس کے نئے سیکٹر کا افتتاح کیا، اے ڈی خواجہ نے افسران و اہلکاروں کو عوام کے ساتھ اچھا برتائو کرنے کا کہا۔
آئی جی موٹروے پولیس اے ڈی خواجہ نےانڈس ہائی وے پر جامشورو تا لاڑکانہ نئے سیکٹر این55کا دورہ کیا ، انہوں نے موٹروے ملازمین کے مسائل بھی سنے۔
گرین اینڈ کلین پاکستان کے مہم کے حوالے سے آئی جی نے این 55پر شجرکاری کا افتتاح کیا،اس موقع پر اے ڈی خواجہ کا کہنا تھا کہ جامشورو تا لاڑکانہ این328کلومیٹر پر مشتمل ہے۔
ان کا کہنا تھا کہ موٹروےپولیس کی جامشورو تا لاڑکانہ تعیناتی کے بعد حادثات میں کمی آئی ہے، افسران و اہلکار عوام سے اچھے تعلقات قائم کریں۔
اس موقع پر ڈی آئی جی موٹروے محمد سلیم نے آئی جی موٹروے کو بریفنگ دی۔
