• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سکھر، روہڑی سمیت گرد و نواح میں گرمی کی لہر، عوام نڈھال

آج کا اخبار
سندھ بھر سے
01 جولائی ، 2019
سکھر (بیورو رپورٹ) سکھر، روہڑی سمیت گرد و نواح میں گرمی کی لہر نے عوام کو نڈھال کردیا، لوگ گرمی سے بچنے کے لئے ٹھنڈے مشروبات کا کثرت سے استعمال کررہے ہیں۔ بدستور برقرار ہے، سکھر، روہڑی، پنوعاقل، صالح پٹ، کندھرا، سنگرار، علی واہن، اروڑ، بچل شاہ میانی، باگڑجی سمیت دیگر علاقوں میں کئی دن سے پڑنے والی شدید گرمی کی لہر اتوار کو بھی برقرار رہی۔ دن بھر گرم ہوائیں چلنے اور سورج کی تیز شعاؤں کے باعث لوگ گھروں اور دکانوں تک محدود ہوکر رہ گئے ہیں، اہم ترین شاہراہوں مینارہ روڈ، ایوب گیٹ، بندر روڈ، ملٹری روڈ، پولیس ہیڈ کوارٹر روڈ و دیگر پر ٹریفک نہ ہونے کے برابر رہا اور شاہراہیں سنسان نظر آئیں۔ لوگوں کی اکثریت گرمی سے بچنے کے لئے لیموں پانی، گنے کے رس سمیت دیگر ٹھنڈے مشروبات کا استعمال کررہے ہیں۔ ڈاکٹرز نے بھی لوگوں کو مشورہ دیا ہے کہ وہ گرمی سے محفوظ رہنے کے لئے احتیاطی تدابیر پر سختی سے عملدرآمد کریں۔
تازہ ترین