فرمان الہی
نماز کے اوقات
کراچی، رحیم یار خان اور سرگودھا میں پیش آنے والے مختلف حادثات میں 6 افراد جاں بحق جبکہ 6 ہی زخمی ہو گئے۔
ریسکیو ذرائع کے مطابق کراچی کے ساحلی علاقے ہاکس بے پر ٹرٹل بیچ کے قریب نہاتے ہوئے ایک شخص ڈوب کر ہلاک ہو گیا۔
ادھر ماڑی پور سگنل کے قریب بس اور ڈمپر میں تصادم کے نتیجے میں 4 افراد زخمی ہو گئے۔
دوسری جانب پنجاب کے شہر رحیم یار خان میں سردار گڑھ کے مقام پر موٹر سائیکل بس کی زد میں آ گئی۔
ریسکیو ذرائع کے مطابق اس حادثے میں موٹر سائیکل پر سوار 2 خواتین سمیت 3 افراد جاں بحق ہو گئے، حادثہ تیز رفتاری کے باعث پیش آیا۔
پنجاب ہی کے شہر سرگودھا کے علاقے چاولے والا کے قریب 2 موٹر سائیکلوں کی ٹکر کے نتیجے میں 2 افراد جاں بحق اور 2 خواتین زخمی ہو گئیں۔
