• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مریم کے قافلے کی 80گاڑیاں ٹول ٹیکس دئیے بغیر گزریں، مراد سعید

آج کا اخبار
اہم خبریں
08 جولائی ، 2019
لاہور(جنگ نیوز)منڈی بہائوالدین میں جلسے سے خطاب کیلئے جاتے ہوئے مریم نواز کی گاڑی سمیت قافلے کی 80 گاڑیاں موٹروے پر ٹول ٹیکس دئیے بغیر گزر گئیں۔وفاقی وزیر مواصلات مراد سعید کا کہنا ہے کہ 80 کےقریب گاڑیوں نےموٹروے پر ٹول ٹیکس ادانہیں کیا، قافلے میں شامل افراد نے موٹر وے ٹول پر ہنگامہ آرائی کی بھی کوشش کی،ٹول ٹیکس جرمانے سمیت ادا کرنا ہو گا،کل بل بھیج دونگا جبکہ موٹروے پولیس کا کہنا ہے کہ قافلےمیں شامل ہنگامہ آرائی کی کوشش کرنیوالوں کی شناخت کی جارہی ہے، ہنگامہ آرائی سے بچنے کیلئے قافلےکوجانے دیا گیا۔ نجی ٹی وی کے مطابق مراد سعید نے معاملے پراظہار برہمی کرتے ہوئے کہا ہے کہ کل ٹول ٹیکس اور جرمانے کا بل بھیج دوں گا،مریم نواز کو ٹول ٹیکس جرمانے سمیت ادا کرنا ہوگا۔
تازہ ترین