فرمان الہی
نماز کے اوقات
اسلام آباد(جنگ نیوز ) احتساب عدالت کے جج ارشد ملک کے ویڈیو اسکینڈل پر چیف جسٹس پاکستان آصف سعید کھوسہ سے اسلام آباد ہائی کورٹ کےقائم مقام چیف جسٹس عامر فاروق نے ملاقات کی اور معاملے پر تبادلہ خیال کیا۔ دونوں چیف جسٹس صاحبان کے درمیان ملاقات 40 منٹ جاری رہی جس میں جج ارشد ملک کے ویڈیو اسکینڈل کے معاملے پر بات چیت ہوئی۔نجی ٹی وی کے مطابق احتساب عدالت کے جج ارشد ملک کے ویڈیو اسکینڈل پر اسلام آباد میں چیف جسٹس پاکستان آصف سعید کھوسہ سے اسلام آباد ہائی کورٹ کے قائم مقام چیف جسٹس عامر فاروق نے ملاقات کی۔ اس موقع پر رجسٹرار سپریم کورٹ بھی چیف جسٹس چیمبر میں موجود تھے۔ دونوں چیف جسٹس صاحبان کے درمیان ملاقات ڈیڑھ بجے شروع ہوئی اور تقریبا 40 منٹ جاری رہی۔قائم مقام چیف جسٹس اسلام آباد ہائی کورٹ سے گزشتہ روز جج ارشد ملک نے بھی ملاقات کی تھی۔ وزیراعظم عمران خان نے گزشتہ روز اعلی عدلیہ سے ویڈیو کا نوٹس بھی لینے کا کہا تھا۔
