گوجرانوالہ…قومی اسمبلی کی نشست این اے 101 گوجرانوالہ اور سندھ اسمبلی کی نشست پی ایس 23 نوشہروفیروز پر ضمنی انتخاب کیلئے پولنگ جاری ہے ۔پولنگ اسٹیشنوں کےاندراورباہرفوجی اہلکار تعینات ہیں، پولنگ شام 5 بجے تک جاری رہے گی۔
حلقہ این اے 101 کے ضمنی انتخاب میں ن لیگ کے جسٹس ریٹائرڈ افتخارچیمہ، تحریک انصاف کےاحمد ناصرچٹھہ، پیپلزپارٹی کے اعجازچیمہ سمیت 15 آزاد امیدوار حصہ لے رہے ہیں۔ حلقے کے 3 لاکھ 86 ہزار 16 رجسٹرڈ ووٹرز میں سے مرد ووٹرزکی تعداد 2 لاکھ 18 ہزار 118 جبکہ خواتین کی تعداد1 لاکھ 67 ہزار 8 سو98 ہے۔
اس حلقے سے ن لیگ کے افتخار چیمہ کامیاب ہوئے تھے تاہم سپریم کورٹ نے اثاثےچھپانے کے جرم میں الیکشن کالعدم قرار دے کر دوبارہ انتخاب کا حکم دیا تھا۔
سندھ اسمبلی کی نشست پی ایس 23 کے ضمنی انتخاب میں پیپلزپارٹی کےضیا الحسن لنجار جبکہ آزاد امیدوار اکبرسموں اور ذوالفقار بیہن حصہ لے رہے ہیں۔ حلقے کے ایک لاکھ 25ہزار 857 ووٹرز کے لئے 106 پولنگ اسٹیشن قائم کیےگئے ہیں۔
اس حلقے سےغلام مصطفیٰ جتوئی کے صاحبزادے مسرورخان جتوئی کامیاب ہوئے تھے۔ جنہیں دھاندلی پر نااہل قرار دے کر سپریم کورٹ نے دوبارہ الیکشن کا حکم دیا تھا۔
فرمان الہی
نماز کے اوقات
