صدر نے اٹھارہویں ترمیم کی خلاف ورزی کی، رضا ربانی

23 اگست ، 2019

پاکستان پیپلز پارٹی کے رہنما اور سینیٹر رضا ربانی نے صدر کی جانب سے الیکشن کمیشن کے دو ممبران کی تقرری کو آئین کی خلاف ورزی قرار دے دیا۔

ایک بیان میں رضا ربانی کا کہنا ہے کہ افسوسناک ہے پارلیمنٹ اور آئین پر حملہ اندر سے کیا گیا، صدر نے بدنیتی پر مبنی ارادے سے اٹھارویں ترمیم کی خلاف ورزی کی۔

رہنما پیپلز پارٹی نے کہا کہ صدر پارلیمنٹ کا حصہ ہیں، انہوں نے اٹھارہویں ترمیم کی خلاف ورزی کی، اٹھارویں ترمیم میں صوابدیدی اختیار کے الفاظ ہٹا کر پارلیمانی کمیٹی کو شامل کیا گیا تھا۔

انہوں نے کہا کہ آئین کے مطابق وزیراعظم اور اپوزیشن لیڈر اتفاق رائے سے ممبران کے تین نام بھیجتے ہیں، وزیر اعظم اور قائد حزب اختلاف کے درمیان ابتدائی مشاورت نہیں ہوئی۔

تازہ ترین