فرمان الہی
نماز کے اوقات
کراچی (اسٹاف رپورٹر) عاصم خان نے نمبر دو سیڈ فرحان محبوب کو شکست دیکر پاکستان انٹرنیشنل اسکواش چیمپئن شپ جیت لی۔ خواتین فائنل میں آمنہ فیاض نے مقدس اشرف کو زیر کرکے ٹائٹل حاصل کیا۔ پاکستان اسکواش فیڈریشن کے سینئر وائس پریذیڈنٹ ایئر مارشل شاہد اختر علوی فائنل کے مہمان خصوصی تھے۔ مصحف علی میر اسکواش کمپلکس اسلام آباد میں جاری چیمپئن شپ کے مردوں کے فائنل میں عالمی نمبر 75 اور نمبر دو سیڈ فرحان محبوب اور عالمی نمبر 78 محمد عاصم خان کے درمیان مقابلہ انتہائی سنسنی خیز رہا جس میں عاصم خان نے 3-2 سے سوا گھنٹے جاری رہنےوالے مقابلے میں فتح اپنے نام کی۔ خواتین کے فائنل میں عالمی نمبر 121 آمنہ فیاض نے عالمی نمبر 106 مقدس اشرف کو باسانی 3-0 سے زیر کیا۔ دونوں کے درمیان مقابلہ صرف 19 منٹ تک جاری رہ سکا۔
