آپ آف لائن ہیں
جنگ ای پیپر
منگل 14؍ربیع الاوّل 1441ھ 12؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

فیصل آباد، دارالامان میں خواتین کی تعداد میں اضافہ

فیصل آباد، دارالامان میں خواتین کی تعداد میں اضافہ


فیصل آباد میں نشے کے عادی شوہروں کی مار پیٹ سے تنگ آکر دارالامان میں پناہ لینے والی خواتین کی تعداد میں اضافہ ہو رہا ہے ۔

فیصل آباد میں رواں سال کےآغاز کے آٹھ ماہ میں گھریلو ناچاقی اور تشدد کاشکار 511 خواتین نے دارالامان میں پناہ لی، جن میں سے 300 خواتین ایسی ہیں جہنوں نے نشے میں مبتلا شوہر کی مار پیٹ کی وجہ سے علیحدگی کا فیصلہ کیا تھا۔

یہ بھی پڑھیں: گھریلوں تشدد، خواتین ذہنی اور جسمانی مسائل سے دوچار

فیصل آباد دارالامان میں پناہ لینے والی ایک متاثرہ خاتون کے مطابق اُس کا شوہر مار پیٹ کرتا تھا اور حد سے ذیادہ نشہ کرنے کے ساتھ ساتھ جواء بھی کھیلتا تھا، برداشت سے باہر ہونے پر یہ قدم اٹھایا اور دارالامان میں پناہ لی۔

گھریلو تشدد سے پریشان ایک اور خاتون کا کہنا تھا کہ میرے شوہر نے سریا رکھا ہوا تھا، سریے سے مارتا پیٹتا تھا، تین چار مرتبہ اس نے سریے کے ساتھ بازوؤں، کمر اور پاؤں پر بھی مارا تھا۔

فیصل آباد کے دارالامان انچارج کا کہنا ہے کہ نشے کے عادی افراد کی مار پیٹ سے تنگ آکر طلاق کے لیے دربدر ہونے والی خواتین کی تعداد دن بہ دن بڑھ رہی ہے۔

گھریلو تشدد کرنے والے شوہر نشے کے عادی ہوتے ہیں، سوسائٹی میں یہ وباء بری طرح سے پھیلی ہوئی ہے اور اس کی وجہ سے گھر بھی اجڑ رہے ہیں۔

انچارج دارالامان کا کہنا ہے کہ گھریلو تشدد اور خواتین کی ازدواجی زندگی کو جہنم بنانے والی نشے کی عادت کے خلاف حکومت اور سماجی اداروں کو اپنا کردار ادا کرنا چاہیے تاکہ نشے کے عادی مریض اس سے نجات پا کر گھریلو زندگی اور معاشرے کے لیے مثبت کردار ادا کر سکیں۔

قومی خبریں سے مزید
خاص رپورٹ سے مزید