برطانیہ میں کار پر ہزاروں شہد کی مکھیوں کا حملہ

شہد کی مکھی کے کاٹنے سے سب ہی کو ڈر لگتا ہے اور اگر بات کی جائے شہد کی مکھیوں کے چھتے کی تو اُسے دیکھ کر ہی لوگ خوفزدہ ہوجاتے ہیں اور اُس جگہ سے دور بھاگتے ہیں۔

برطانیہ میں کچھ ایسے ہی مناظر دیکھنے کو ملے جب پارکنگ میں کھڑی کار میں اچانک ہزاروں شہد کی مکھیوں نے نہ صرف دھاوا بول دیا بلکہ گاڑی پر ڈیرہ بھی جما لیا۔

یوں کار پر ہزاروں شہد کی مکھیوں کے جھنڈ کو دیکھ کر جہاں کچھ لوگ خوف میں مبتلا ہوگئے وہیں کچھ ان مناظر کو کیمرے کی آنکھ میں قید کرتے نظر آئے۔

کچھ دیر بعد ریسکیو اہلکار اور شہد کی مکھیاں پکڑنے والے آئے جنہوں نے کار کو ان شہد کی مکھیوں سے نجات دلائی۔