آپ آف لائن ہیں
ہفتہ14؍شوال المکرم 1441ھ6؍جون 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

احمد علی اکبر نے بہترین اداکار کا ایوارڈ جیت لیا

پاکستانی اداکار احمد علی اکبر کو امریکا میں ساؤتھ ایشین فلم فیسٹیول کے دوران فلم ’’لال کبوتر‘‘ میں بہترین اداکاری کرنے پر ایوارڈ سے نوازا گیا ہے۔


اداکار احمد علی اکبر نے یہ خبر اپنے چاہنے والوں کے ساتھ سوشل میڈیا پر شیئر کرتے ہوئے کہا کہ واشنگٹن ڈی سی میں انہیں فلم ’’لال کبوتر‘‘ کے لیے بہترین اداکار کا ایوارڈ دیا گیا ہے۔


پاکستانی فلم لال کبوتر کو اس حد تک پسند کیا گیا کہ اسے دنیا کے سب سے بڑے ایوارڈ آسکر کے لیے پاکستان کی جانب سے بھیجنے کا فیصلہ کیا گیا تھا اور اب اس فلم نے ایک اور انٹرنیشنل ایوارڈ میں بڑا اعزاز اپنے نام کرلیا ہے۔

فلم ’’لال کبوتر‘‘ کا ٹریلر


یاد رہے کہ فلم ’’لال کبوتر‘‘رواں سال 22 مارچ کو ریلیز کی گئی تھی۔

فلم کی کہانی کراچی کے گرد گھومتی ہے جب کہ فلم میں احمد علی اکبر کے ساتھ اداکارہ منشا پاشا نے مرکزی کردار ادا کیا تھا۔

فلم باکس آفس پر اوسط درجے کا بزنس کرنے میں کامیاب ہوئی تھی۔

انٹرٹینمنٹ سے مزید