لاہور: خستہ مکان کی چھت منہدم، 2 افراد جاں بحق

لاہور کے علاقے پکی ٹھٹھی سمن آباد میں خستہ حال مکان کی چھت منہدم ہو گئی جس کے نتیجے میں 2 افراد ملبے تلے دب کر جاں بحق ہو گئے۔

مردان: بارش میں چھتیں گر گئیں، 5 افراد جاں بحق

خیبر پختون خوا کے ضلع مردان میں بارش اور طوفان کے...

ریسکیو ذرائع کا کہنا ہے کہ مکان کی چھت گرنے کا واقعہ آج صبح لاہور کے علاقے پکی ٹھٹھی سمن آباد میں پیش آیا،جس میں مکان بوسیدہ ہونے کے باعث چھت منہدم ہوئی، جس کے ملبے تلے اہل خانہ دب گئے۔

ریسکیو عملہ واقعے کی اطلاع ملتے ہی جائے حادثہ پر پہنچ گیا جس نے منہدم ہونے والی چھت کا ملبہ ہٹاتے ہوئے اس کے نیچے دبی ہوئی 2 افراد کی لاشوں کو نکال کر اسپتال منتقل کیا۔

یہ بھی پڑھیئے: کراچی، عمارت کی چھت گر گئی، میاں بیوی جاں بحق

ریسکیو عملے نے ملبے میں سے ایک بچی اور خاتون سمیت 5 افراد کو زندہ نکال کر بھی اسپتال منتقل کیا جہاں انہیں طبی امداد دی گئی۔

ریسکیو حکام نے ملبے تلے مزید افراد کے دبے ہونے کا خدشہ ظاہر کرتے ہوئے امدادی کارروائیاں جاری رکھی ہیں۔