آپ آف لائن ہیں
بدھ14؍ذی الحج1441ھ5؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مولانا کی جماعت نے ایوان میں مسئلہ نہیں اٹھایا: قاسم سوری

قومی اسمبلی کے ڈپٹی اسپیکر قاسم خان سوری کہتے ہیں کہ مولانا فضل الرحمٰن نےایک دم سڑکوں پر آنے کا اعلان کر دیا، حالانکہ ان کی جماعت نے کبھی ایوان میں کوئی مسئلہ نہیں اٹھایا۔

میڈیا سے گفتگو کرتے ہوئے ڈپٹی اسپیکر قومی اسمبلی جمعیت علمائے اسلام ف کے سربراہ مولانا فضل الرحمٰن کو ہدفِ تنقید بنا رہے تھے۔

انہوں نے مزید کہا کہ حکومت کی پوری کوشش ہے کہ بات چیت سے مسئلہ حل ہوجائے، ڈنڈے لہرا کے ڈرانے دھمکانے کا طریقہ کبھی نہیں دیکھا۔

واضح رہے کہ جمعیت علمائے اسلام ف کے سربراہ مولانا فضل الرحمٰن نے 27 اکتوبر کو اسلام آباد میں آزادی مارچ نکالنے کا اعلان کر رکھا ہے۔

مسلم لیگ نون اور پاکستان پارٹی سمیت مختلف اپوزیشن جماعتوں نے بھی مولانا فضل الرحمٰن کا مارچ میں ساتھ دینے کا اعلان کر دیا ہے۔

قومی خبریں سے مزید