فرمان الہی
نماز کے اوقات
وزیر اعظم عمران خان نے 2017 میں ایک ٹرین حادثے کے بعد وزیر ریلوے کے استعفے کا مطالبہ کیا تھا۔
وزیراعظم عمران خان نےکہا تھا کہ اُن کےخیال میں کوتاہی پر ریلوے کے وزیر خواجہ سعد رفیق کو مستعفی ہوجانا چاہئے۔
تاہم اب وزیر اعظم عمران خان کی اپنی حکومت میں ٹرین حادثات پیش آرہے ہیں تو کیا وزیر ریلوے شیخ رشید احمد کو بھی وہ مستعفی ہو جانے کا مشورہ دیں گے۔
واضح رہے کہ پنجاب کے شہر رحیم یار خان کے قریب آج صبح تقریباً ساڑھے 6 بجے کے قریب کراچی سے لاہور جانے والی تیز گام ایکسپریس میں آگ بھڑک اٹھی تھی، جس کے نتیجے میں 73 افراد جاں بحق جبکہ متعدد زخمی ہوگئے۔
رحیم یار خان سانحے سے متعلق اپنے بیان میں وفاقی وزیر ریلوے شیخ رشید کا کہنا تھا کہ تیز گام ایکسپریس میں آگ لگنے کے واقعے میں ریلوے کی غلطی نہیں بلکہ مسافروں کی غلطی ہے۔
انہوں نے کہا کہ مسافر ٹرین میں سلینڈر کیسے لے کر پہنچے، اس کی تحقیقات کی جائے گی۔
وزیر ریلوے شیخ رشید نے کہا کہ مسافر چولہے اپنے تھیلے میں رکھ دیتے ہیں، قانون سے نہیں ڈرتے۔ اُن کا کہنا تھا کہ تحقیقات کریں گےمسافر سلنڈر لےکر کون سے اسٹیشن سے چڑھے تھے۔
