آپ آف لائن ہیں
بدھ21؍ذی الحج1441ھ12؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

احمد شہزاد پر میچ فیس کا  50 فیصد جرمانہ


پاکستان کرکٹ بورڈ نے قائد اعظم ٹرافی میں بال ٹمپرنگ کے الزام پر نان آئیڈینٹی فکیشن قوانین کے تحت سینٹرل پنجاب کے کپتان احمد شہزاد پر میچ فیس کا پچاس فیصد جرمانہ عائد کردیا ہے۔

ضابطہ اخلاق کی خلاف ورزی پر اظہر علی اور سہیل خان کو بھی باضابطہ تنبیہ کی گئی ہے۔

آن فیلڈ امپائرز نے احمد شہزاد کو پی سی بی کوڈ آف کنڈکٹ کے آرٹیکل 2.14 کی خلاف ورزی کرنے پر چارج کیا۔

ریفری سے سماعت کے دوران احمد شہزاد نے صحت جرم سے انکار کیا اور موقف اختیار کیا کہ گیند کی شکل فطری طور پر بگڑی، وہ کسی ایسے کام میں ملوث نہیں ہوں گے جس سے کھیل کی ساکھ متاثر ہو، تاہم ان پر میچ فیس کا پچاس فیصد جرمانہ عائد کردیا گیا۔

پی سی بی کے مطابق گیند کی حالت تبدیل کرنے والے کھلاڑی کی شناخت نہ ہونے کے باعث احمد شہزاد کو نان آئیڈینٹی فکیشن کے قانون کے تحت بطور کپتان چارج کیا گیا۔

ضابطہ اخلاق کی مختلف خلاف ورزیوں میں سہیل خان اور اظہر علی کو میچ کے دوران جملوں کا تبادلہ کرنے پر تنبیہ جاری کی گئی۔

سہیل خان کو میچ میں وقت ضائع کرنے جبکہ اظہر علی کو کھلاڑی یا اسپورٹ اسٹاف کی سمت میں خطرناک انداز میں گیند پھینکنے پر چارج کیا گیا تھا۔

کھیلوں کی خبریں سے مزید