ملتان( سٹاف رپورٹر )موٹر سائیکل، ٹرالر حادثہ میں 2 افراد زخمی ہو گئے،کمشنر ملتا ن نے افسوس کا اظہار کیا ہے ، تفصیلات کے بارے میں ترجمان نے کہا ہے کہ میٹرو بس منصو بے کے لئے فاطمہ جناح کالونی وہاڑی روڈ میں قائم کئے گئے یارڈ میں تیار شدہ گارڈر ٹرالر کے ذریعے ممتاز آباد کی سائٹ پر لائے جا رہے تھے جب ٹرالر چونگی نمبر11پہنچا تو دو موٹر سائیکل سوار عبدالوہاب اور فراز نے موٹر سائیکل و ٹرالر کے نیچے سے گزارنے کی کوشش کی، موٹر سائیکل بے قابو ہو کر گر پڑا، ٹرالرکے ایک ٹائر کی وجہ سے دونوں موٹرسائیکل سواروں کی ایک ،ایک ٹانگ زخمی ہو گئی ،زخمیوں کو فوری طور پر نشتر ہسپتال لایا گیا جہاں دونوں زیر علاج ہیں،کمشنر ملتان ڈویژن کیپٹن (ر) اسد اللہ خان نے موٹر سائیکل اور ٹرالر حادثے پر افسوس کا اظہار کیا ہے انہوں نے میڈیکل سپرنٹنڈنٹ نشتر ہسپتال کو ہدایت کی ہے کہ حادثے کے دونوں زخمیوں کو علاج معالجہ کی بہترین سہولیات مفت فراہم کی جائیں اور اس حوالے سے کوئی کوتاہی نہ برتی جائے ۔
فرمان الہی
نماز کے اوقات
