فرمان الہی
نماز کے اوقات
مسلم لیگ (ن) کی ترجمان مریم اورنگزیب کا کہنا ہے کہ عمران خان صاحب مدینہ کی ریاست کے نام پر سیاست کرنا بند کریں۔
وزیراعظم عمران خان کے بیان پر ردعمل دیتے ہوئے مریم اورنگزیب نے کہا ہے کہ مدینہ کی ریاست کے نام پر سیاست کرنا بند کریں، جھوٹا اور وعدوں سے مکرنے والا وزیراعظم ریاست مدینہ نہیں بنا سکتا۔
انہوں نے کہا کہ جو حکومت میں این آر او سے آیا ہو اُسے این آر او کی بات کرتے ہوئے شرم آنی چاہیے۔
مریم اورنگزیب نے کہا کہ عمران صاحب عید میلاد النبی ﷺ کے دن تو جھوٹ بولنے کا ناغہ کرلیتے۔
انہوں نے کہا کہ ریاست مدینہ کی باتیں کرنے والوں نے بے گناہ سیاسی مخالفین کو ان کوٹھریوں میں رکھا جہاں سزائے موت کے قیدی رکھے جاتے ہیں۔
