فرانس، محفل میلاد النبیﷺکے روح پرور اجتماعات

فرانس کے دارالحکومت پیرس اور اس کے گردونواح سمیت فرانس بھر میں محفل میلاد النّبی صلی اللّٰہ علیہ وسلم کے روح پرور اجتماعات کا انعقاد کیا گیا۔

فرانس کے نواحی علاقے ویلرلیبل کی مسجد قباء سے ایک عظیم شان جلوس نکالا گیا جس کی قیادت علامہ محمودالحسن، خطیب لقمان حیدر، حافظ محمد صدیق، چوہدری افضال خونن، چوہدری تاج دین سکھیرا اور چوہدری آصف سماعلیہ صدر مسجد کمیٹی نے کی۔

گزشتہ سالوں کی طرح جلوس مقررہ راستوں سے ہوتا ہوا مسجد قبا ء پر اختام پذیر ہوا، اس موقع پر سفیر پاکستان معین الحق نے خطاب کرتے ہوئے حضور صلی اللّٰہ علیہ وسلم کی شان بیان کرتے ہوئے کہا کہ حضور اکرم صلی اللّٰہ علیہ وسلم پوری دنیا کے لیے رحمت بن کر آئے۔

جلوس سے فرانسیسی پارلیمنٹ کے رکن فانسوا پوپینی نے بھی خطاب کیا، بعد میں چوہدری تاج دین سکھیرا کی جانب سے شرکا کی تواضع بھی کی گئی۔

دوسری جانب ادارہ منہاج القران ’لاکونیو ‘ میں بھی دو روزہ سیرت النّبی ﷺ کانفرنس منعقد کی گئی۔