آپ آف لائن ہیں
جنگ ای پیپر
منگل12؍ربیع الثانی 1441ھ 10؍ دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

آزادی مارچ پلانB، بلوچستان میں شاہراہ بند

آزادی مارچ پلانB، بلوچستان میں شاہراہ بند


جمعیت علمائے اسلام ف کا آزادی مارچ مولانا فضل الرحمٰن کی قیادت میں اسلام آباد میں موجود ہے تاہم جے یو آئی ف نے اب آزادی مارچ احتجاج کے پلان بی پر بلوچستان میں عملدرآمد شروع کر دیا ہے۔

پلان بی کے تحت جمعیت علمائے اسلام ف کے کارکنوں کی جانب سے کوئٹہ چمن شاہراہ پر دھرنا جاری ہے۔

کارکنوں نے رکاوٹیں کھڑی کر کے کوئٹہ چمن شاہراہ ٹریفک کی آمدورفت کے لیے بند کر دی ہے۔

جمعیت علمائے اسلام ف کے کارکنوں کی جانب سے آزادی مارچ کے پلان بی کے تحت دیے جانے والے دھرنے میں پشتون خوا میپ کے کارکن بھی شریک ہیں۔

چمن کوئٹہ شاہراہ کو کھولنے کے لیے انتظامیہ اور مظاہرین کے درمیان مذاکرات بھی ہوئے جو ناکام ہو گئے۔

پشین اور قلعہ عبداللّٰہ کے اسسٹنٹ کمشنر نے چمن مظاہرین کے ساتھ یہ مذاکرات کیے، جن کی ناکامی کے بعد شاہراہ پر ٹریفک کی آمد و رفت بدستور بند ہے۔

مظاہرین کا کہنا ہے کہ چمن ہڑتال مولانا فضل الرحمٰن کے حکم پر ختم کی جائے گی۔

کوئٹہ چمن شاہراہ کی بندش کے باعث پاک افغان ٹرانزٹ ٹریڈ اور نیٹو سپلائی بھی معطل ہوگئی ہے جبکہ سینکڑوں مسافر گاڑیاں پھنسنے سے لوگوں کو مشکلات کا سامنا ہے۔

لیویز فورس کی بھاری نفری علاقے میں پہنچ گئی ہے جو صورت حال کو کنٹرول کرنے کی کوشش کر رہی ہے۔

صوبائی امیر جے یو آئی ف مولانا عبدالواسع کا اس حوالے سے کہنا ہے بلوچستان میں آزادی مارچ احتجاج کے پلان بی پر عملدرآمد شروع کیا گیا ہے۔

انہوں نے مزید بتایا ہے کہ پلان بی کے تحت جمعیت علمائے اسلام ف کے کارکنوں کی جانب سے کوئٹہ چمن شاہراہ پر دھرنا جاری ہے۔

یہ بھی پڑھیئے: جے یوآئی کے پلان بی کیلئے کراچی پولیس نے احکامات

جے یو آئی ف کے صوبائی امیر مولانا عبدالواسع کا یہ بھی کہنا ہے کہ اس دھرنے کے باعث کوئٹہ تا چمن شاہراہ سید حمید کراس پر ٹریفک کے لیے بند ہے۔

ادھر جیکب آباد میں جے یو آئی ف کے مقامی کارکن زیرو پوائنٹ پر احتجاجی دھرنا دیئے ہوئے ہیں جبکہ وہاں سندھ بلوچستان روٹ پر دھرنا دینے کے لیے لاڑکانہ سے قافلہ روانہ ہو گیا ہے جس کی قیادت مولانا ناصر خالد محمود سومرو کر رہے ہیں۔

دوسری جانب وفاقی دارالحکومت اسلام آباد میں جے یو آئی ف کا آزادی مارچ جاری ہے۔

سردی کی شدت میں اضافہ ہو رہا ہے، جبکہ آزادی مارچ کے شرکاء نے آج بھی دن کا آغاز مختلف کھیلوں سے کیا۔

قومی خبریں سے مزید