چوہدری زاہد حسین بھدر پی ٹی آئی بلجیم کے صدر منتخب ہوگئے

آج کا اخبار

یورپ سے

17 نومبر ، 2019

برسلز (عظیم ڈار)پاکستان تحریک انصاف بلجیم کےممبران نے برسلز کے مقامی ریسٹورنٹ میں منعقدہ تقریب متفقہ طور پر چوہدری زاہد حسین بھدر پر اعتماد کا اظہار کرتے ہو ئے انہیں اکثریتی را ئے کے ساتھ دوسال کے لیے پی ٹی آئی بلجیم کا صدر منتخب کر لیا۔اس موقع پر نومنتخب صدر چوہدری زاہد حسین بھدر نے خطاب کرتے ہو ئے کہا کہ وہ پارٹی کو منظم کرنے کےلیے قائداعظم محمد علی جناح شاعر مشرق علامہ محمد اقبال اور وزیراعظم پاکستان عمران خان کے نظریے کی روشنی میں کوششیں اور کاوشیں بروئے کار لائیں گے۔پارٹی کے سابق صدور سرفراز رفیقی اور شرافت حسین شاہ نے چوہدری زاہد حسین بھدر کو مبارکباد دیتے ہوئے کہا کہ آئندہ کے لیے ہر صدر اپنا ٹائم پورا کرنے کے بعد دیگر ممبران میں سے صدر کا انتخاب کرنے کی ریت ڈالی جائے اور جس ممبر کے پاس وسائل زیادہ ہیں اسے ہی صدر بنانے اور آگے کرنے کی روایت کو ختم کیا جائے۔انھوں نے کہا کہ آئندہ آنے والے الیکشنوں میں جن جن کارکنان نے پارٹی کےلیے خدمات سرانجام دی ہوں گی انہی ممبران میں سے صدر کا انتخاب کیاجائےگا۔پی ٹی آئی بلجیم کے سینئر ممبران مرزا عمران بیگ ،میاں شعیب ،آغا عرفان شکیل گوہر اور مہر صفدر نے مشترکہ طور پر اس عزم کا اظہار کیا کہ پی ٹی آئی بلجیم پاکستان کی ترقی وخوشحالی میں کلیدی کردار ادا کرنے اور پاکستان کے آئندہ انتخابات میں وزیراعظم عمران خان کی بھرپور حمایت اور ووٹ ڈالنے کے لیے دامے درمے قدمے سخنے اپنی کوششیں جاری رکھیں گے۔انھوں نے کہا کہ ہمیں پی ٹی آئی بلجیم کو مضبوط بنیادوںپر استوار کرتے ہوئے اوورسیز کمیونٹی کے مسائل کے حل اور یورپی پارلیمنٹ میں پاکستان کے مثبت چہرے کو نمایاں کرنے کرلیے عملی اقدمات اٹھانے چا ہئیں۔ انھوں نے کہا کہ پی ٹی آئی بلجیم کچھ عرصہ سے اختلافات اور مخالفت کی شکار تھی۔جسے چند دوستوں نے خوشگوار ماحول میں تبدیل کردیا۔تقریب کا باقاعدہ آغاز تلاوت کلام پاک کے ساتھ کیا گیا۔نظامت کے فرائض غلام ربانی بابو بھائی نے ادا کیے۔پروگرام میں پاکستانی نژاد بیلج پولیس ایڈوائزر سٹی برسلز کے کونسلرز محمد ناصر اور عامر سنی نے بھی خطاب کیے۔ پر تکلف عشائیے پر تقریب کا اختتام ہوا۔ پی ٹی آئی بلجیم کے چند ممبران نے باقی عہدیداران کا انتخاب بعد میں مشاورت کے ساتھ کرنے کا عندیہ دیا ہے

تازہ ترین