فرمان الہی
نماز کے اوقات
دفاعی چیمپئن شاہد آفتاب شکست کھا کر نیشنل بینک گولڈن جوبلی قومی اسنوکر چیمپئن شپ سے باہر ہوگئے۔
سابق عالمی چیمپئن محمد آصف فائنل فور میں پہنچ گئے، نمبر چھ سیڈ سہیل شہزاد اور نمبر نو سیڈ عبدالستار بھی ٹائٹل دوڑ سے باہر ہوگئے۔ ایونٹ کے سیمی فائنل لائن اپ بھی مکمل ہوگئی۔
پاکستان بلیئرڈز اینڈ اسنوکر ایسوسی ایشن کے زیرِ اہتمام این بی پی اسپورٹس کمپلیکس میں کھیلے جانے والے ایونٹ میں دفاع چیمپئن تین مرتبہ کے عالمی چیمپئن محمد آصف دفاعی چیمپیئن شاہد آفتاب کو زیر کرکے کوارٹر فائنل میں پہنچے۔
نمبر چھ سیڈ سہیل شہزاد اور نمبر نو سیڈ عبدالستار بھی ٹائٹل دوڑ سے باہر ہوگئے۔ کوارٹر فائنل میں رانا عرفان نے اویس منیر کو 4-5، اسجد اقبال نے احسن رمضان کو 0-5، محمد آصف نے محمد سجاد کو 2-5، مبشر رضا نے حسنین اختر کو 3-5 سے شکست دے کر فائنل 4 کے لیے کوالیفائی کرلیا۔
ان میچز میں اویس منیر (109 اور 101)، محمد آصف نے (106)، محمد سجاد نے (121)، مبشر رضا نے (101) کے شاندار سنچری بریک کھیلے۔
سیمی فائنل منگل کو کھیلے جائیں گے جہاں رانا عرفان (پنجاب) کا مقابلہ اسجد اقبال (نیشنل بینک) سے ہوگا جبکہ محمد آصف (نیشنل بینک) کو مبشر رضا (پنجاب) سے مقابلہ ہوگا۔
