آپ آف لائن ہیں
جنگ ای پیپر
منگل12؍ربیع الثانی 1441ھ 10؍ دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

باکسر عامر خان پاکستان کی اہم وزارت کے خواہشمند



پاکستانی نژاد برطانوی باکسر عامر خان پاکستان تحریک انصاف کی حکومت کی کارکردگی سے مطمئن دکھائی نہیں دیتے، اور پاکستان میں اہم وزارت کی خواہش کا اظہار کردیا۔ 

ایک انٹرویو کے دوران عامر خان نے اپنے خیالات کا اظہار کرتے ہوئے کہا کہ وزیراعظم عمران خان نے اقتدار میں آنے کے بعد پاکستان میں کھیلوں کے لیے کچھ نہیں کیا۔ 

وزارت کی خواہش کا اظہار کرتے ہوئے عامر خان نے کہا کہ اگر وہ پاکستان کے وزیر کھیل بن گئے تو پاکستانی عوام کے لیے کچھ کر سکیں گے۔ 

وزیراعظم عمران خان کی تعریف کرتے ہوئے عالمی شہرت یافتہ باکسر کا کہنا تھا کہ عمران خان ایک عظیم کھلاڑی اور سیاست دان ہیں، تاہم انہوں نے اس شعبے میں فروغ کے لیے کوئی کام نہیں کیا۔

اپنی تعریف میں عامر خان نے دعویٰ کرتے ہوئے کہا کہ وہ واحد شخص ہیں جنہوں نے پاکستان میں کھیل کے شعبے کے لیے کچھ کیا ہے۔

اپنی بات کو جاری رکھتے ہوئے ان کا کہنا تھا کہ وہ پاکستانی باکسرز کو دنیا بھر میں فائٹ کے لیے لے کر جا رہے ہیں۔

یاد رہے کہ اس سے قبل بھی عامر خان متعدد مرتبہ کہہ چکے ہیں کہ وہ پاکستان میں باکسنگ اکیڈمیز قائم کرنے کے بھی خواہشمند ہیں لیکن حکومت نے ان سے تعاون نہیں کیا۔

عامر خان کا کہنا تھا کہ ان کی باکسنگ اکیڈمی میں ایک وزیر آئے اور صرف تصاویر بنوا کر واپس چلے گئے اور پھر اس معاملے میں کچھ بھی نہیں ہوا۔

قومی خبریں سے مزید
کھیلوں کی خبریں سے مزید