پاکستان کا ایڈیلیڈ ٹیسٹ کیلئے نئی حکمت عملی بنانے کا فیصلہ

پاکستان کرکٹ ٹیم نے آسٹریلیا کے خلاف ایڈیلیڈ ٹیسٹ کے لیے نئی حکمت عملی بنانے کا فیصلہ کیا ہے۔ بابر اعظم چوتھے نمبر پر بیٹنگ کر سکتے ہیں۔

برسبین ٹیسٹ میں ایک اننگز اور 5 رنز سے شکست کھانے کے بعد پاکستان کرکٹ ٹیم نے ایڈیلیڈ ٹیسٹ کے لیے نئی حکمت عملی بنانے کا فیصلہ کیا ہے۔ بابرا عظم کا بیٹنگ آرڈر تبدیل کیے جانے کا امکان ہے، وہ چوتھے نمبر پر بیٹنگ کرسکتے ہیں۔

یہ بھی پڑھیے: ’خامیوں پر قابو پانے کی کوشش کریں گے‘

حارث سہیل کی جگہ امام الحق ٹیم میں آئیں گے، جبکہ کپتان اظہر علی ون ڈاون بیٹنگ کر سکتے ہیں۔

ذرائع کا کہنا ہے کہ فاسٹ بولر نسیم شاہ کو احتیاط سے استعمال کرنے کی تجویز ہے۔ ان کی جگہ موسیٰ خان کا نام زیر غور ہے، جبکہ عمران خان سینئر کی جگہ محمد عباس کو کھلایا جا ئے گا۔

ذرائع کا کہنا ہے کہ ایڈیلیڈ کی پچ دیکھنے کے بعد نئی حکمت عملی کو حتمی شکل دی جائے گی۔

پاکستان اور آسٹریلیا کے درمیان دوسرا ٹیسٹ 29 نومبر کو شروع ہو گا، جو ڈے اینڈ نائٹ ہو گا۔

یہ بھی پڑھیے: آسٹریلیا نے پاکستان کو پہلا ٹیسٹ ہرا دیا

قومی کرکٹ ٹیم کے کپتان اظہر علی کا کہنا ہے کہ جو خامیاں پہلے ٹیسٹ میں رہیں ان پر قابو پانے کی کوشش کریں گے۔

آسٹریلیا کے شہر ایڈیلیڈ میں میڈیا سے گفتگو کرتے ہوئے پاکستان ٹیسٹ کرکٹ ٹیم کے کپتان اظہر علی نے کہا کہ ٹیم میں شامل کھلاڑیوں کی صلاحیتوں پر کوئی شک نہیں ہے، جو خامیاں پہلے ٹیسٹ میں رہیں ان پر قابو پانے کی کوشش کریں گے۔