فرمان الہی
نماز کے اوقات
پاکستان مسلم لیگ (ن) کی ترجمان مریم اورنگزیب نے کہا ہے کہ وزیراعظم عمران خان کا بیان کھسیانی بلی کھبا نوچے کے مترادف ہے۔
انہوں نے کہا کہ آج ثابت ہوگیا کہ آپ نالائق تھے، نالائق ہیں اور نالائق ہی رہیں گے۔
آرمی چیف کی مدت ملازمت میں توسیع سے متعلق سپریم کورٹ کے فیصلے پر رد عمل دیتے ہوئے وزیراعظم عمران خان نے کہا تھا کہ اداروں کے درمیان ٹکراؤ کی خواہش رکھنے والوں کو آج شکست ہوئی ہے۔
ادھر وزیراعظم کے بیان کے پر رد عمل دیتے ہوئے مسلم لیگ (ن) کی ترجمان مریم اورنگزیب کا کہنا تھا کہ آپ اپنی نالائقی اور نااہلی کا بوجھ بھی دوسروں پر ڈالنے کی ناکام کوشش کر رہے ہیں۔
انہوں نے مزید کہا کہ عمران خان کا بیان کھیسانی بلی کھمبا نوچے کے مترادف ہے، آج آپ کی نالائقی ثابت ہوئی جس کی بار بار شپریم کورٹ نے بھی نشاندہی کی۔
مریم اورنگزیب کا کہنا تھا کہ جن پر ملک لوٹنے کا الزام عائد کیا گیا ان کے خلاف ایک دہلے کی بھی کرپشن ثابت نہیں کر پائے۔
لیگی ترجمان کا یہ بھی کہنا تھا کہ آپ جیسے تاریخی نالائق اور نااہلوں کے ہوتے ہوئے کسی دشمن کی ضرورت نہیں ہے۔
انہوں نے کہا کہ افسوس کے ساتھ آج آپ کی نالائقی، نااہلی اور جھوٹ کی وجہ سے ملک غیر محفوظ ہورہا ہے۔
دوسری جانب سابق وزیراعظم نواز شریف کی طبعیت سے متعلق مریم اورنگزیب نے بتایا کہ لیگی قائد کا پی ای ٹی اسکین گائز اسپتال میں آج کیا جارہا کیا جائے گا۔
انہوں نے بتایا کہ برقی شعاعوں کے تجزیے کا مقصد کینسر کے خدشات کو دور کرنا ہے۔
