عالم آباد صوابی میں جدید ترین ہسپتال اور مسجد کا سنگ بنیاد رکھ دیا گیا

میرا شہر

اسلام آباد

29 نومبر ، 2019

راولپنڈی (جنگ نیوز) عالم آباد ویلفیئر پروجیکٹ میں پاک فضائیہ اور راشد میموریل ویلفیئر آرگنائزیشن کے باہمی اشتراک سے 200بستر پر مشتمل جدید ہسپتال اور عظیم الشان مسجد کے سنگ بنیاد رکھنے کی تقریب ہوئی۔ سپیکر قومی اسمبلی اسد قیصر اور سربراہ پاک فضائیہ ائرچیف مارشل مجاہد انور خان نے ان شاندار منصوبوں کی تختی کی نقاب کشائی کی۔ اس موقع پر خطاب کرتے ہوئے پاک فضائیہ کے سربراہ نے کہا کہ یہ منصوبہ عوام کو بہترین تعلیمی اور طبی سہولیات فراہم کریگا۔ اسپیکر قومی اسمبلی نے کہا کہ یہ منصوبے علاقے کی ترقی اور خوشحالی میں نئے باب کا اضافہ کرینگے۔ انہوں نے ایک ہزار کنال زمین وقف کرنے پر نبی کلے کے مقامی لوگوں کے بے لوث جذبے کو سراہا۔ اس وژن کے تحت ملک کے پسماندہ علاقوں میں متعدد ماڈل ولیجز کا بھی قیام کیا جائیگا۔

تازہ ترین