فرمان الہی
نماز کے اوقات
ڈی جی رینجرز (سندھ) میجر جنرل عمر احمد بخاری نے پیر کو بن قاسم ایسوسی ایشن آف ٹریڈ انڈسٹری کا دورہ کیا۔ انڈسٹری کے ممبران نے ڈی جی رینجرز سے ملاقات کی اور انڈسٹریز کے اغراض و مقاصد اور کارکردگی کے بارے میں آگاہ کیا۔
ڈی جی رینجرز (سندھ) نے کہا کہ معاشی ترقی پُرامن حالات سے مشروط ہے۔ اس ضمن میں پاکستان رینجرز (سندھ) اور دیگر قانون نافذ کرنے والے ادارے تاجروں کا اعتماد بحال کرنے اور امن و امان کی صورتحال کو مزید بہتر کرنے کے لیے اقدامات کر رہے ہیں۔
انہوں نے مزید کہا کہ کراچی میں قائم ہونے والے امن میں قانون نافذ کرنے والے اداروں کے ساتھ ساتھ عوام بالخصوص تاجروں کا تعاون کلیدی حیثیت رکھتا ہے۔
اس موقع پر بن قاسم ایسوسی ایشن کے ممبران نے رینجرز کی جانب سے شہر میں امن کی بحالی اور تاجر برادری کے لیے کیے گئے سیکیورٹی انتظامات پر اظہار تشکر کیا۔
