آپ آف لائن ہیں
جنگ ای پیپر
پیر29؍ جمادی الثانی 1441ھ 24؍فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

اراکینِ الیکشن کمیشن پر اپوزیشن و حکومت میں اتفاق ہو گیا: مزاری

الیکشن کمیشن آف پاکستان کے ارکان کے تقرر کے معاملے میں پیش رفت ہوئی ہے، بلوچستان سے رکن کے نام پر اتفاق ہو گیا جبکہ سندھ سے رکن کے نام پر نون لیگ اور پیپلز پارٹی میں ڈیڈ لاک برقرار ہے۔

کمیٹی کا اجلاس پارلیمنٹ ہاؤس میں کمیٹی کی چیئر پرسن وفاقی وزیرِ انسانی حقوق ڈاکٹر شیریں مزاری کی زیرِ صدارت ہوا۔

شیریں مزاری کا کہنا ہے کہ اپوزیشن اور حکومت کا الیکشن کمیشن کے ارکان کے ناموں پر اتفاق ہو گیا ہے، اپوزیشن نے قیادت سے مشاورت کے لیے وقت مانگا ہے۔

انہوں نے بتایا ہے کہ اسی سلسلے میں کل 2 بجے پارلیمانی کمیٹی کا اجلاس ہوگا، الیکشن کمیشن کے ارکان کے ناموں کا اعلان بھی کل ہی کر دیا جائے گا۔

یہ بھی پڑھیئے: الیکشن کمیشن تقرریاں،چیئرمین سینٹ اسپیکر میں مشاورت

الیکشن کمیشن کے ارکان کے ناموں کے حوالے سے مسلم لیگ نون کے رہنما مشاہد اللّٰہ خان نے کہا ہے کہ کمیٹی میں حکومت اور اپوزیشن ارکان کی تعداد برابر ہے۔

انہوں نے بتایا کہ کمیٹی جائزہ لے رہی ہے، ابھی کسی نام پر اتفاق نہیں ہوا، سندھ سے الیکشن کمیشن کے رکن کے نام پر نون لیگ اور پیپلز پارٹی میں ڈیڈ لاک برقرار ہے۔

واضح رہے کہ گزشتہ روز بھی الیکشن کمیشن کے ارکان کی تقرری کے لیے قائم خصوصی پارلیمانی کمیٹی کے اجلاس میں الیکشن کمیشن کے سندھ اور بلوچستان کے ارکان کی تعیناتی کا فیصلہ نہیں ہو سکا تھا جس کی وجہ سے کمیٹی کا اجلاس آج دوبارہ ہوا ہے۔

قومی خبریں سے مزید