آپ آف لائن ہیں
پیر 9؍ شوال المکرم 1441ھ یکم جون 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

سوائے گالم گلوچ کےحکومت کی کوئی پالیسی نہیں، شیری رحمٰن

پاکستان پیپلز پارٹی کی رہنما شیری رحمٰن کہتی ہیں کہ سوائے گالی گلوچ کےحکومت کی کوئی پالیسی نہیں، نہ انصاف ہے، نہ احتساب، بس انتقام ہے۔

سکھر میں میڈیا سے گفت گو کرتے ہوئے رہنما پی پی پی شیری رحمٰن نے کہا کہ احتساب پیپلز پارٹی اور اپوزیشن کے خلاف ہے، جبکہ بنی گالہ بھی غیر قانونی ہے، مالم جبہ منصوبہ بھی کرپشن کا شکار ہے۔

انہوں نے کہا کہ حکومت نے الیکشن کمیشن کو بھی مفلوج کر دیا ہے، نیب نے حکومتی اراکین کے خلاف کوئی تحقیقات نہیں کی۔

شیری رحمٰن کا کہنا ہے کہ زرداری صاحب اسلام آباد میں ہیں، شاہ صاحب نے ضمانت نہیں لی، حکومت نے اتنا قرضہ لیا جو تاریخ میں کسی نے نہیں لیا۔

انہوں نے مزید کہا کہ گیس کی قلت ہے، اشیائے خورد و نوش بھی مہنگی ہیں، ٹماٹر سونے کے بھاؤ بک رہا ہے، ساری دنیا کہہ رہی ہے کہ ہو کیا رہا ہے۔

شیری رحمٰن نے یہ بھی کہا کہ پارلیمنٹ کے اجلاس نہیں ہو رہے، تاکہ سوالات نہ کیے جاسکیں، قومی اسمبلی کے بھی صرف 2 دن اجلاس ہو رہے ہیں۔

قومی خبریں سے مزید