آپ آف لائن ہیں
اتوار2؍صفر المظفّر 1442ھ 20؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزیراعلیٰ پنجاب کا اورنج لائن کے ٹرائل میں نہ جانے کا فیصلہ

وزیراعلیٰ پنجاب کا اورنج لائن کے ٹرائل میں نہ جانے کا فیصلہ


وزیراعلی پنجاب عثمان بزدار لاہور میں 10 تاریخ کو شیڈول اورنج لائن میٹرو کے ٹرائل کی تقریب میں شریک نہیں ہوں گے۔

ذرائع کے مطابق وزیراعلیٰ پنجاب نے اورنج لائن میٹرو کی تقریب میں شرکت نہ کرنے کافیصلہ کرلیا ہے۔

حکومت پنجاب کے ذرائع کے مطابق یہ فیصلہ پنجاب کابینہ کے اجلاس اور دیگر مصروفیات کے باعث کیا گیا۔

ذرائع کے مطابق وزیراعلیٰ کی زیرصدارت پنجاب کابینہ کا اجلاس 10 دسمبر کو دن گیارہ بجے طلب کیا گیا ہے۔

اہلِ لاہور کے لیے بڑی خوشخبری کا وقت آگیا، اورنج لائن میٹرو ٹرین 10 دسمبر سے آزمائشی سفر شروع کرنے جارہی ہے۔

اس سے قبل 6 دسمبر کو وزیراعلیٰ پنجاب نے میٹرو ٹرین کے آزمائشی سفر کی تقریب میں شرکت کا اعلان کیا تھا اور انہوں نے ڈیرہ گجراں سے علی پور تک ٹرین میں سفر بھی کرنا تھا۔

دوسری جانب اپوزیشن جماعت مسلم لیگ (ن) نے اونج لائن میٹرو ٹرین کے تمام روٹس پر جشن منانے کا فیصلہ کر رکھا ہے۔

اس حوالے سے ن لیگ آزمائشی ٹرائل کے موقع پر میٹرو ٹرین کے تما م اسٹیشنز پر تقریبات منعقد کرے گی۔

تما م اسٹیشنز پر منعقدہ تقریبات میں شرکت کیلئےمسلم لیگ (ن) کے ارکان اسمبلی اور کارکنان کو دن 11 بجے پہنچنے کی کال دی گئی ہے۔

قومی خبریں سے مزید