آپ آف لائن ہیں
ہفتہ17؍ذی الحج 1441ھ8؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

زرداری کی انجیوگرافی، انجیوپلاسٹی کیے جانے کا امکان

پاکستان پیپلز پارٹی کے شریک چیئرمین اور سابق صدر آصف زرداری کی کراچی کے نجی اسپتال میں انجیوگرافی کی جائے گی جس کے بعد اُن کی انجیوپلاسٹی کیے جانے کا امکان ہے۔

سابق صدر آصف علی زرداری کراچی کے علاقے کلفٹن کے نجی اسپتال میں زیرِ علاج ہیں جہاں ڈاکٹرز نے اُنہیں کچھ روز آبزرویشن میں رکھنے کا فیصلہ ہے۔

نجی اسپتال کے سینئر ڈاکٹرز سابق صدر آصف زرداری کا معائنہ کر رہے ہیں۔

ذرائع کے مطابق سابق صدر کی انجیوگرافی کے بعد انجیو پلاسٹی کیے جانے کا امکان ہے، تاہم اس سے قبل اُن کے کچھ ٹیسٹس کی رپورٹس کے نتائج کا انتظار ہے۔

ذرائع کا مزید کہنا ہے کہ زرداری کی امراضِ قلب سے متعلق تشخیص کا سلسلہ بھی جاری ہے اور امکان ہے کہ اُنہیں مزید چند روز اسپتال میں رکھا جائے گا۔

قومی خبریں سے مزید