آج چائے کا عالمی دن منایا جا رہا ہے

15 دسمبر ، 2019

محفل ہو یا بزرگوں کی بیٹھک، شادی کی تقریب ہو یا ہو خواتین کی ناختم ہونے والی گفتگو، ہر جگہ مزا دیتی ہے ایک گرما گرم چائے کی پیالی۔

چائے کی تاریخ کافی پرانی ہے، عمومی رائے یہ ہے کہ چائے چین کی پیداوار ہے اور طویل عرصےتک چائے پر چین کا ہی ایک طرح سےقبضہ رہا ہے، لیکن اب چین کے ساتھ انڈیا اور میانمار میں بھی اچھی کوالٹی کی پتی کاشت کی جانےلگی ہے۔

مختلف ملکوں میں مختلف طریقوں سےچائے پی جاتی ہے، مغربی ملکوں میں چائےمیں دودھ کا استعمال کم ہے۔

ترکی میں سیب کےچھلکوں کی چائے بھی استعمال کی جاتی ہے جبکہ جنوبی ایشیا خاص کر انڈیا، پاکستان میں دودھ پتی اور کڑک چائے کا استعمال زیادہ ہے، چائے میں بھی نت نئی ورائٹی ہے۔