آپ آف لائن ہیں
بدھ5؍ صفر المظفّر 1442ھ23؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سامعہ کا حسن علی سے پارک میں اظہار محبت

 سامعہ آرزو کا شوہر  حسن علی سے اظہار محبت


قومی کرکٹ ٹیم کے فاسٹ بالر حسن علی کی اہلیہ سامعہ آرزو نے اپنے شوہر کو گلاب دے کر اُن سے اپنی محبت کا اظہار کردیا۔

گزشتہ روز سماجی رابطے کی ویب سائٹ انسٹاگرام پر قومی کرکٹ ٹیم کے فاسٹ بالر حسن علی اور اُن کی اہلیہ سامعہ آرزو کی ایک ویڈیو وائر ل ہوئی جس میں دونوں ایک پارک میں موجود ہیں، سامعہ ہاتھ میں گلاب لیے آتی ہیں اور گُھٹنوں کے بل بیٹھ کر اپنے شوہر کو گلاب پیش کرتی ہیں اور  اپنی محبت کا اظہار کرتی ہیں۔

جس پر حسن علی بہت زیادہ خوش ہوجاتے ہیں اور اپنی اہلیہ کا شکریہ ادا کرکے انہیں گلے لگاتے ہیں۔


 سوشل میڈیا صارفین نے اِس ویڈیو پر ملے جُلے تبصرے کیے۔ کسی نے اِس جوڑے کی تعریف کی تو کسی نے حسن علی پر تنقید بھی کی۔

ماہی نامی صارف نے لکھا کہ ’یہ بہت ہی کیوٹ ہے۔‘

ایک صارف نے سامعہ آرزو کی وفا کی تعریف کرتے ہوئے لکھا کہ ’میں نے جتنی وفا بھارتی لڑکیوں میں دیکھی ہے اتنی وفا کہیں اور نہیں دیکھی ہے۔‘

ایک صارف نے لکھا کہ ’ماشااللّہ، اللّہ اِن کو ہمیشہ سلامت رکھے آمین۔‘

ایک صارف نے اپنے کمنٹ میں حسن علی کو کرکٹ چھوڑنے کا مشورہ دے دیا اور کہا کہ اب ماڈلنگ اور اداکاری میں اپنے شوق پورے کرلو۔

حمزہ احمد نامی صارف نے حسن علی کو مخاطب کرتے ہوئے کمنٹ کیا کہ بھائی کرکٹ نہیں کھیلنی ہے؟ آپ کو معلوم نہیں ہے کہ اِس وقت ہماری ٹیم کے کیا حالات ہیں؟

واضح رہے کہ اِس سے قبل حسن علی نےپاکستان فیشن شو ویک کے دوران ریمپ پر واک کی تھی۔

جس کے بعد سوشل میڈیا صارفین نے اُن کو شدید تنقید کا نشانہ بنایا تھا اور کہا تھا کہ کرکٹ کھیلنے کے لیے حسن علی اَن فِٹ ہیں جبکہ ماڈلنگ کے لیے بلکل فِٹ ہیں۔

کھیلوں کی خبریں سے مزید