• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سی پی او کا رات گئے راولپنڈی کے مختلف تھانوں کا اچانک دورہ

میرا شہر
اسلام آباد
22 دسمبر ، 2019
راولپنڈی( سٹاف رپورٹر) سی پی او نے رات گئے تھانہ رتہ امرال، تھانہ بنی، تھانہ وارث خان، تھانہ پیر ودھائی اور گوالمنڈی چوکی کا دورہ کیا۔ انہوں نے تھانوں کے فرنٹ ڈیسک، حوالات اور سٹاف کا معائنہ کیا۔ اس موقع پر سی پی او نے کہا کہ تھانوں میںآنے والے شہریوں کے ساتھ اپنا رویہ درست رکھیں، اور ان کی درخواست پر فوری طور پر کارروائی کریں، اور ان کو انصاف فراہم کرنے کے لئے ہر ممکن اقدامات کیے جائیں، سی پی او نے فرنٹ ڈیسک پر تعینات عملہ کو ہدایات جاری کرتے ہوئے کہا کہ فرنٹ ڈیسک پر آنے والے شہریوں کی درخواست پر فی الفور عمل درآمد کیا جائے اور ان کی شکایات کو فوراً درج کیا جائے۔انہوں نے اس موقع پرتھانوں کی موبائل پٹرولنگ کو بھی چیک کیا اور کہا کہ ضلع کے تمام ایس ایچ اوز دو ہفتے میں پولیس آئی ٹی سسٹمز کا استعمال اور مانیٹرنگ سیکھیں تاکہ انہیں جرم اور قانون شکنوں کا جائزہ لینے میں مدد مل سکے ۔
تازہ ترین