فرمان الہی
نماز کے اوقات
کراچی (عبدالماجد بھٹی/ اسٹاف رپورٹر) بنگلہ دیش کرکٹ ٹیم کے دورہ پاکستان کو شدید خطرات لاحق ہیں ایسے میں آئی سی سی کی منظورہ شدہ سیکیورٹی کمپنی کے کنسلٹنٹ رگ ڈگسن نے ملتان اور پنڈی گرائونڈز کی سیکیورٹی کو بھی کلیئر کرکے اپنی رپورٹ آئی سی سی ، فیکا، ٹیسٹ کھیلنے والے ملکوں اور کھلاڑیوں کے ایجنٹ کو بھیج دی ہے۔ ان کی حوصلہ افزا رپورٹ پاکستان کرکٹ کے لئے بڑی خبر ہے۔ دونوں شہر اب پاکستان سپر لیگ کے میچوں کی میزبانی کے لئے تیار ہیں۔ کراچی اور لاہور میں پہلے ہی پی ایس ایل کے میچوں کا انعقاد ہوچکا ہے ۔ پی سی بی کے ڈائریکٹر سیکیورٹی کرنل آصف نے ملتان اور پنڈی کی سیکیورٹی کے بارے میں رگ ڈگسن کو موثر سیکیورٹی پلان بھیجا تھا جس کے بعد رگ نے دونوں سینٹرز کا دورہ کیا اور ان کی سیکیورٹی کو کلیئر کردیا۔ ذرائع کے مطابق فروری میں پاکستان کے چاروں شہر پاکستان سپر لیگ کی میزبانی کے لئے تیار ہیں۔
