فرمان الہی
نماز کے اوقات
کراچی ( اسٹاف رپورٹر) کوئٹہ سے کراچی آنے والی پی آئی اے کی پرواز سے لینڈنگ کے دوران پرندہ ٹکراگیا، متاثرہ طیارہ گراونڈ کردیا گیا ہے ، طیارہ گراونڈ ہونے سے کراچی سے پشاور کی پرواز پی کے350 کئی گھنٹے تاخیر کا شکار ہے ۔ پی آئی اے ترجمان کے مطابق پیر کی شام کوئٹہ سے کراچی پہنچنے والی پی آئی اے کی پرواز پی کے 311 سے لینڈنگ کے دوران پرندہ ٹکرا گیا ۔ جس سے ایربس اے 320 طیارے کے دائیں بازو کو نقصان پہنچا۔ متاثرہ طیارے کو گراونڈ کردیا گیا ہے ، ترجمان کے مطابق متاثرہ طیارے کو اگلی پرواز پر شام ساڑھے سات بجے پشاور جانا تھا تاہم اب اس پرواز پی کے 350 کی روانگی رات 12 بجے متوقع ہے ، پرواز میں تاخیر پر پشاور جانےوالے مسافروں نے کراچی ایرپورٹ پر احتجاج بھی کیا۔
