خیبر پختونخوا، ٹک ٹاک نے ایک اور نوجوان کی جان لے لی

خیبر پختونخوا کے ضلع نوشہرہ سے تعلق رکھنے والا سونو سنگھ ٹک ٹاک ویڈیو بنانے کے دوران ٹرین کی زد میں آکر جاں بحق ہوگیا ۔

ٹک ٹاک اسٹار دانیال تین دوستوں کے ساتھ کار حادثے میں جاں بحق

معروف ٹک ٹاک اسٹار دانیال تین دوستوں کے ساتھ تیز...

سماجی رابطے کی ویب سائٹ ٹوئٹر پر جاں بحق ہونے والے سونو کے کزن نے اپنے ایک ٹوئٹ میں نوجوان کی ہلاکت کی خبر شیئر کرتے ہوئے لکھا کہ سونو سنگھ کانوں میں ہیڈ فون لگائے ریلوے ٹریک پر ٹک ٹاک ویڈیو بنانے میں مصروف تھا کہ ٹرین کی ٹکر سے جاں بحق ہوگیا۔

انہوں نےآخر میں تمام سوشل میڈیا صارفین سے التماس کی کہ اس قسم کی ایپس کو استعمال نہ کریں اور والدین کو بھی ہدایت کی کہ وہ اپنے بچوں کو اس سے دور رکھیں ۔

یہ بھی پڑھیے : ٹک ٹاک ویڈیو بنانے کے دوران گولی چلنے سے طالب علم ہلاک

واضح رہے کہ گزشتہ دنوں سیالکوٹ سے تعلق رکھنے والے گیارہویں جماعت کے طالب علم عمار سید کی موت بھی ٹک ٹاک ویڈیو بنانے کے دوران گولی چلنے  کے باعث ہوئی تھی۔