• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسلام آباد پولیس کا جرائم میں کمی کا دعویٰ ، رپورٹ وزیر داخلہ کو پیش

میرا شہر
اسلام آباد
14 جنوری ، 2020
اسلام آباد( خصوصی نامہ نگار ) آئی جی اسلام آباد محمد عامر ذوالفقار خان نے اسلام آباد پولیس کی سالانہ کارکردگی رپورٹ وفاقی وزیر داخلہ بریگیڈئیر ( ر) سید اعجاز شاہ کو پیش کر دی۔ پیر کو آئی جی اسلام آباد نے ڈی آئی جی آپریشنز وقار الدین سید کے ہمراہ وزیر داخلہ سے ملاقات کی۔ رپورٹ کے مطابق سال 2019میں گزشتہ سال کی نسبت سنگین جرائم میں16.47فیصد کمی آئی۔ 2019 میں قتل میں 10.92 فیصد،اغوا برائے تاوان میں 50 فیصد، ڈکیتی میں 30 فیصد، سرقہ بالجبر میں7.79 فیصد. چوری میں 34 فیصد نقب زنی میں 23.56فیصد ،مہلک حادثات میں 10.13 فیصد کمی ہوئی۔ گزشتہ سال اندھے قتل کے 19 مقدمات ٹریس کر کے ان میں ملوث 37 ملزمان کو گرفتار کیا گیا. جن میں خاص طور پر میجر لاریب قتل، فرشتہ قتل،کمشکا کیس،عمر راٹھور اغواء و قتل کیس بھی شامل ہیں۔. بچوں کے اغوا کے 100سے زائد مقدمات کو کامیابی سے ٹریس کر کے بچوں کو بحفاظت بازیاب کر کے والدین کے حوالے کیا گیا اس طرح قبضہ مافیا کے خلاف کارروائیاں کرکے 409 ملزمان کو گرفتار کیا گیا۔،وزیر داخلہ نے اسلام آباد پولیس کی کارکرگی پر اطمینان کا اظہار کیا اور کہا اسلام آباد پولیس کی پیشہ وارانہ خدمات کو بین الاقوامی طور پر یو این کی طرف سے بھی سراہا گیا، نما یاں کمی پر بھی بین الاقوامی طور پر وفاقی دارالحکومت کو جرائم سے پاک اور محفوظ ترین شہر قرار دیاگیا موجودہ حکومت اسلام آباد پولیس کی استعداد کار کو بڑھانے کے لئے اقدامات کر رہی ہے۔
تازہ ترین