فلپائن میں لاوا اُگلتا آتش فشاں تصاویر کے آئینے میں

15 جنوری ، 2020

فلپائن میں ایک آتش فشاں نے لاوا اُگلنا شروع کر دیا ہے۔ حکام نے متنبہ کیا ہے اس آتش فشاں سے ’چند گھنٹوں یا دنوں‘ میں مضر اور خطرناک مواد کا اخراج شروع ہو سکتا ہے۔پیر 13 جنوری کی صبح سویرے ’تال‘ نامی آتش فشاں نے کم مقدار میں لاوا اُگلنا شروع کیا تھا۔ یہ آتش فشاں فلپائن کے دارالحکومت منیلا سے 70کلومیٹر دور جنوب میں واقع ہے۔لاوے کے اخراج سے قبل آتش فشاں سے بہت بڑی مقدار میں راکھ کا اخراج ہوا تھا جس کے باعث اس علاقے کے اطراف بسنے والے آٹھ ہزار سے زائد افراد کو محفوظ علاقوں میں منتقل کیا گیا۔

تال آتش فشاں فلپائن کا دوسرا سب سے ایکٹیو (زندہ) آتش فشاں ہیںتال ایک جزیرے پر موجود جھیل کے مرکز میں واقع ہے۔ یہ دنیا کہ چھوٹے آتش فشاؤں میں ایک ہے اور گذشتہ 450 برسوں اس سے 34 مرتبہ لاوے کا اخراج ہو چکا ہے۔گذشتہ کچھ ہی وقت میں تال کے قریبی علاقوں میں 32 زلزلے کے جھٹکے محسوس ہو چکے ہیں۔آتش فشاں سے نکلنے والی راکھ کی بڑی مقدار نے ارد گرد کی آبادی کو مکمل طور پر ڈھانپ لیا ہے۔اس دوران ہونے والی بارش کی وجہ سے راکھ اور پانی نے مل کر کیچڑ کی شکل اختیار کر لی ہے۔آتش فشاں سے راکھ کے اخراج کے باعث کھڑی فصلوں کو بھی نقصان پہنچا ہے۔

تازہ ترین