فرمان الہی
نماز کے اوقات
پاکستان کے معروف اداکار، ماڈل اور ڈانسر حماد شعیب نے رنویر سنگھ سے موازنہ اور سوشل میڈیا ٹرولنگ پر اپنا مؤقف بیان کردیا۔
حماد شعیب نے حال ہی میں ایک پوڈکاسٹ میں اپنے کیریئر اور سوشل میڈیا کے تجربات پر کھل کر گفتگو کی۔
حماد شعیب نے بتایا کہ میرا ابتدائی طور پر بالی ووڈ کے اداکار رنویر سنگھ سے موازنہ کیا گیا کیونکہ ہماری شکلیں ایک جیسی ہیں۔
انہوں نے کہا کہ میں نے ہمیشہ کہا ہے کہ رنویر سنگھ ایک عظیم اداکار اور بہترین پرفارمر ہیں، لیکن میرا مقصد ان کی نقل کرنا یا ان جیسا بننا نہیں ہے، میں اپنی محنت اور صلاحیت سے اپنا نام اور شناخت بنانا چاہتا ہوں اور الحمدللہ میں نے ایسا ہی کیا، میرے کام کی وجہ سے مجھے رنویر سنگھ کی کاپی کرنے والا ٹیگ نہیں ملا۔
سوشل میڈیا پر ہونے والی ٹرولنگ کے بارے میں انہوں نے کہا کہ کچھ تبصرے پڑھے، جیسے کہ یہ پتھر کا اداکار ہے، واہ، یہ شاندار اداکاری ہے، براہ کرم ٹی وی پر آئیں کیونکہ میں اب نہیں دیکھتا۔
انہوں نے کہا کہ میں شاذ و نادر ہی یوٹیوب پر کمنٹس پڑھتا ہوں اور خوش قسمت ہوں کہ مجھے شدید سوشل میڈیا ٹرولنگ کا سامنا نہیں کرنا پڑا، زیادہ تر میں اپنے مداحوں کی تعریف اور حمایت وصول کرتا ہوں جس پر میں ان کا شکر گزار ہوں۔
