کوئٹہ: مکان کی چھت گر گئی، باپ بیٹی جاں بحق

بلوچستان کے سب سے بڑے شہر و دارالخلافہ کوئٹہ میں ایک کچے مکان کی چھت گرنے سے بچی سمیت 2 افراد جاں بحق اور 2 خواتین زخمی ہو گئیں۔

ریسکیو ذرائع کے مطابق کوئٹہ کے علاقے پشتون آباد کے عبدالولی چوک کے قریب واقع ایک مکان کی چھت گر گئی۔

مختلف شہروں میں چھت گرنے کے واقعات، 4 جاں بحق

راجن پور، سکھر اور ملتان میں بارشوں کے بعد مکانات...

متاثرہ مکان کی چھت کے ملبے تلے دب کر ایک بچی سمیت 2 افراد جاں بحق ہو گئے، اس واقعے میں 2 خواتین زخمی بھی ہوئی ہیں۔

لاشوں اور زخمیوں کو اسپتال منتقل کر دیا گیا ہے، جہاں ضروری کارروائی کے بعد لاشوں کو ورثاء کے حوالے کر دیا گیا جبکہ زخمی خواتین کو طبی امداد دی گئی۔

یہ بھی پڑھیئے: کوہاٹ، مکان کی چھت گر گئی، 2 افراد جاں بحق

جاں بحق ہونے والوں میں باپ اور اس کی بچی شامل ہیں۔

ابتدائی معلومات کے مطابق متاثرہ مکان کچا تھا اور چھت پر برف پڑی ہوئی تھی، کمزور چھت برف کے وزن کی وجہ سے گری ہے۔