آپ آف لائن ہیں
جنگ ای پیپر
منگل23؍جمادی الثانی 1441ھ 18؍ فروری2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

سی پیک پر الزام مسترد، امریکا کی ریاضی کمزور ہے، چین

سی پیک پر الزام مسترد، امریکا کی ریاضی کمزور ہے، چین


چین نے چائنا پاکستان اکنامک کوریڈور( سی پیک ) پر امریکی الزامات مسترد کردیےاور کہا کہ امریکا کی ریاضی کمزور اور ارادہ بُرا ہے۔

پاکستان میں چینی سفارت خانے نےاپنے بیان میں کہاکہ سی پیک کا قرض پاکستان کے لیے کبھی بوجھ نہیں ہوگا،چین قرض واپسی کے نامناسب مطالبات نہیں کرے گا۔

چینی سفارتخانے نے مزید کہاکہ پاک چین تعلقات پر الزام دھرنے سے پہلے امریکا دیکھ لے کہ اس نے ماضی میں پاکستان کےلیے کیا کیا۔

چینی سفارتخانے نے استفسار کیا کہ کیا ایلس ویلز پاکستان کے لیے امداد، سرمایہ کاری یا ٹریڈ لے کر آئی ہیں؟

ان کا کہنا تھاکہ امریکا کو پاکستان اور خطے کی ترقی اور خوشحالی کا صحیح خیال ہے تو کیش اور فنڈز لائے، باہمی احترام، منصفانہ اور شفاف بنیاد پر تعاون کرے نا کہ عالمی پولیس مین کا کردار ادا کرے۔

چینی سفارتخانے نے یہ بھی کہاکہ چین اور پاکستان کے تعلقات چٹان کی طرح مضبوط اور نہ ٹوٹنے والے ہیں۔

انہوں نے کہاکہ امریکا نام نہاد قرض کہانی گھڑتا رہتا ہے، اس کا ریاضی کمزور اور ارادہ بُرا ہے۔

بین الاقوامی خبریں سے مزید