مظفرگڑھ ، ایمبولینس نہر میں جا گری، مریض جاں بحق

23 جنوری ، 2020

پنجاب کے شہر مظفر گڑھ میں مریض کو اسپتال لے جانے والی ایمبولینس نہر میں جا گری، حادثے کے نتیجے میں ایمبولینس میں سوار ایک مریض جاں بحق اور 2 ریسکیو اہلکاروں سمیت 3 افراد شدید زخمی ہو گئے۔

واقعہ مظفر گڑھ میں خان گڑھ بائی پاس کے قریب پیش آیا جس میں ایک مریض کو تشویشناک حالت میں اسپتال لے جانے والی ایمبولینس مرغیوں سے بھرے ٹرک سے ٹکرانے کے بعد نہر میں جا گری۔

ریسکیو ذرائع کے مطابق حادثے میں 2 ریسکیو اہلکاروں سمیت 3 افراد شدید زخمی ہوگئے جبکہ ایمبولینس میں تشویش ناک حالت میں لیٹا ہوا مریض دم توڑ گیا۔

یہ بھی پڑھیئے: پڈعیدن، خاتون 2 بچوں سمیت نہر میں کود گئی

ایمبولینس میں مریض کو علی پور سے کارڈیالوجی انسٹیٹیوٹ ملتان منتقل کیا جا رہا تھا، جاں بحق ہونے والے شخص کی لاش اور زخمی افراد کو ڈی ایچ کیو اسپتال مظفرگڑھ منتقل کر دیا گیا ہے۔

تازہ ترین