آپ آف لائن ہیں
جنگ ای پیپر
ہفتہ27؍جمادی الثانی 1441ھ 22؍ فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

ون وے کی خلاف ورزی، ایس ایس پی ملیر کی طلبی


 کراچی میں ون وے کی خلاف ورزی کے الزام میں شہریوں کے خلاف دفعہ 279 کے تحت مقدمات کے اندراج پر ملیر کی سول عدالت نے ایس ایس پی ملیر کی سرزنش کرتے ہوئے انہیں 27جنوری کو عدالت میں طلب کرلیا ہے۔

سول جج اور جوڈیشل مجسٹریٹ ملیر غلام مصطفیٰ نے اس سلسلے میں ایس ایس پی ملیر آپریشن کو نوٹس جاری کیا ہے، جس میں سول جج نے لکھا ہے کہ انہوں نے ابزرو کیا ہے کہ ضلع ملیر کے مختلف تھانوں میں تعزیرات پاکستان کی دفعات 279 اور 341بے تحاشا درج کی جارہی ہیں۔

پولیس کا یہ عمل ایس ایس پی اور ان کے ماتحت عملے کی غفلت اور نااہلی ہے۔

کراچی میں ون وے کی خلاف ورزی پر ٹریفک پولیس اور تھانہ پولیس سینکڑوں شہریوں کو گرفتار کر کے مقدمات درج کر چکی ہے۔

قانونی ماہرین کے مطابق ون وے کی خلاف ورزی کرنے والوں کے خلاف دفعہ 279 عائد کی جاتی ہے جوکہ تیز رفتاری غفلت اور لاپرواہی کے زمرے کی دفعہ ہے۔

شہر قائد/ شہر کی آواز سے مزید