فرمان الہی
نماز کے اوقات
بنگلہ دیش کے خلاف راولپنڈی ٹیسٹ کےلیے پاکستان ٹیسٹ اسکواڈ کا اعلان کل کیا جائے گا ، ممکنہ کھلاڑیوں کا تین روزہ پریکٹس میچ قذافی اسٹیڈیم لاہور میں جاری ہے ۔
پاکستان اور بنگلہ دیش کی ٹیموں کے درمیان آئی سی سی ٹیسٹ چیمپئن شپ کے سلسلے میں سیریز کا پہلا ٹیسٹ 7 سے 11 فروری تک راولپنڈی میں ہو گا۔
اسکواڈ کا اعلان صبح ساڑھے گیارہ بجے چیف سلیکٹر اور ہیڈ کوچ مصباح الحق پریس کانفرنس میں کریں گے۔
آف اسپنر بلال آصف اور آل راؤنڈر فہیم اشرف کواسکواڈ میں شامل کیے جانے کا امکان ہے۔
دوسری جانب ٹیسٹ اسکواڈ کے ممکنہ کھلاڑیوں کا تین روزہ پریکٹس میچ قذافی اسٹیدیم لاہور میں جاری ہے۔
دوسرے روز کھیل کے اختتام پر ٹیم ٹو نے چھ وکٹوں کے نقصان پر 178 رنز بنا لیے ۔ اشفاق احمد نے 64 رنز اسکور کیے، فواد عالم 38 رنز کے ساتھ ناٹ آؤٹ ہیں۔
اس سے قبل ٹیم ون نے 7 وکٹوں کے نقصان پر 359 رنز بنا کر اننگز ڈکلیئر کر دی تھی۔
